Kryetari i Grupit Parlamentar i Partisë Demokratike, Gazment Bradhi ka njoftuar se do të mbledhë sot grupin e PD-së.
Mbledhja e gupit paralamentar të PD-se do të bëhet me qëllim informimin e demokratëve lidhur me Konferecën e Kryetarëve që u zhvillua dje, ku PS dhe Rithemelimi ranë dakord për disa marrëveshje.
Lexo edhe :
Related Posts
Ndërkohë më herët u shty për një ditë tjetër mbledhja e Konferencës së Kryetarëve, e cila ishte planifikuar të mbahej sot në orën 13:30. Gazetarja e Vizion Plus, Enkeleda Mema bëri me dije se mbledhja u shty pasi nuk u ra dakord për objektin e komisioneve hetimore.
Opozita ka kërkuar komision hetimor për koncesionet në shëndetësi dhe për të dhënat e dala nga sistemi TIMS.
Sipas ligjit të votuar nga mazhoranca vitin e kaluar, objekt i një komisioni hetimor nuk mund të jetë një objekt që tashmë është duke u hetuar nga drejtësia.
Kujtojmë që ditën e djeshme, në përfundim të mbledhjes, palët deklaruan se kishin rënë dakord në parim për një marrëveshje.
“Nuk kemi nënkomision për çështje zgjedhore. Ramë dakord në parim të diskutojmë për çështje që kanë të bëjnë me ligje që kërkojnë 3/5 për t’u miratuar. Ka mjaft ligje që duhen miratuar në urgjencë”, deklaroi pas mbledhjes kreu i grupit të PS, Bledi Çuçi.
“Ngritja e komisioneve hetimore ka qenë një pseudo-konflikt. Kërkesa duhet bërë sipas ligjeve dhe vendimit të Gjykatës Kushtetuese. Kemi qenë të qartë për përshtatjen e objekteve të komisioneve hetimore. Nëse ne rregullojmë objektet e kërkesave për komisionet hetimore siç e kërkon ligji, ne jemi të hapur për të diskutuar”, shtoi ai.
Ndërkohë, kreu i grupit parlamentar demokrat tha se nuk ka ende një marrëveshje, por është rënë dakord në parim.
“Sot ka patur një diskutim dhe vendimmarrje në parim. Mos ta raportojmë si çështje të mbylllur. Kemi rënë dakord për ngritjen e komisionit hetimor për kontratat koncesionare në sektorin e shëndetësisë, për komisionin për ndërhyrjen e paligjshme për ndërhyrjet në të dhënat e sistemit TIMS. Kemi rënë dakord që çdo ligj që këkron 3/5 të diksutohet në një strukturë të posaçme që do të ngrihet në Kuvend në paritet të plotë mes grupit të PS dhe grupit të PD, me vendimmarrje që merren me konsensusin e të dyja palëve. Dua të vë theksin që për opozitën ka qenë gjithmonë gatishmëria për t’u rikthyer në normalitet në Kuvend, jemi të interesuar që Parlamenti të funksionojë në mënyrë normale, por që kjo të ndodhë duhet të përmbushen tre kërkesat e opozitës”, tha Bardhi.
Ndërkohësot, Gazment Bardhi nuk ka pranuar të japë arsye pse u shty mbledhja. “Duhet të pyesni kuvendin”, tha ai duke folur për gazetarët teksa po hynte në selinë e PD.
/vizionplus.tv/
