Në vitin 1991 mes maleve, ai u nis për një rrugëtim që do ta çonte deri në Harvard, një nga universitetet më të mira amerikane ku ai është aktualisht lektor. Gazmend Kapllani, sjell sot në shqip “Ditar i shkurtër kufijsh”.
Është historia e një të riu që u nis nga Lushnja për të kapërcyer në këmbë kufirin grek. Pas punëve të rënda fizike, mbrëmjet i dedikoheshin letërsisë greke, asaj antike, çka për shkrimtarin dhe pedagogun u bënë muza e të shkruarit; fillimisht si gazetar e më pas me ditarin e tij.
Ky ditar është një rrëfim që sot lexohet në 12 gjuhë të botës, e më në fund edhe në shqip. Për të ka shkruar “The Independent”, “The Guardian” e mjaft media prestigjioze në botë, jo sepse grish vetëm historia e këtij emigranti shqiptar, por sepse narracioni të çon në një udhëtim si ai i Odisesë.