Gazetari Esido Barkaj tha në studion e Quo Vadis në Vizion Plus se kohët e fundit po shpërndahet lëndë narkotike me anë të postës.
Ai nënvizoi se kryesisht moshat e reja janë të përfshira në këtë lloj veprimtarie.
Barkaj u shpreh se përgjatë këtij viti janë evidentuar 10-12 raste të shpërndarjes së kanabisit me postë.
“Në vitin 2025 janë 10 ose 12 raste të trafikut të drogës me postë. Pra, të sjellësh drogë, kanabis nga SHBA, Nju Jork, Uashington, apo edhe Tajlandë, krimi, le të themi, ka arritur majën. Janë goditur disa raste dhe vlera në treg që kap pothuajse ky kanabis është e përafërt me kokainën. Kryesisht janë moshat e reja të përfshira në këtë lloj veprimtarie”, tha gazetari Barkaj.
/vizionplus.tv
