Gazetari amerikan, Juan Arredondo, që mbeti i plagosur nga sulmi në Ukrainë, ka treguar se ishte me kolegun e tij, gazetarin Brent Renaud, kur ky i fundit u vra.
“Ishim nëpër një nga urat e para në Irpin, duke shkuar për të filmuar refugjatët e tjerë që largoheshin, dhe hipëm në një makinë, dikush na ofroi të na çonte në urën tjetër dhe kaluam një pikë kontrolli dhe ata filluan të qëllojnë mbi ne. Shoferi u kthye dhe ata vazhduan të gjuanin; ne ishim dy vetë. Shoku im është Brent Renaud, dhe ai është qëlluar dhe e lamë pas”, tha Arredondo në një video të publikuar në rrjetet sociale.
Ai aktualisht ndodhet në një spital në Irpin, qyteti ku u sulmuan.
