“Gati përgjigjja e Izraelit ndaj Iranit” Netanyahu bisedë 50 minutëshe me Presidentin Biden, e informon për vendimet e marra

Presidenti amerikan Joe Biden ka zhvilluar një bisedë telefonike me kryeministrin izraelit Benjamin Netanyahu, njofton zyra e këtij të fundit.

Në thirrjen 50-minutëshe mori pjesë edhe nënpresidentja Kamala Harris, kandidatja demokrate për presidente.

Telefonata u zhvillua teksa Izraeli po është duke përgatitur një përgjigje ndaj sulmit raketor të javës së kaluar nga Irani.

Biden dhe Netanyahu folën për herë të fundit me njëri-tjetrin më 21 gusht, sipas Shtëpisë së Bardhë.

Times of Israel: Izraeli ka vendosur se si t’i përgjigjet Iranit

Izraeli po i afrohet gjithnjë e më shumë “përgjigjes” që planifikon t’i japë Iranit për sulmin që mori javën e kaluar.

Në një takim në selinë ushtarake Kirya në Tel Aviv mbrëmë, Benjamin Netanyahu mori vendime të rëndësishme, së bashku me ministrat e tij të lartë, zyrtarët e sigurisë dhe zyrtarët ushtarakë, në lidhje me sulmin e afërt, tha një zyrtar izraelit për Times of Israel.

Tani për tani, vazhdoi burimi, fokusi është në instalimet ushtarake iraniane, por kjo mund të ndryshojë.

Irani lëshoi ​​rreth 200 raketa balistike javën e kaluar dhe Izraeli dëshiron të përgjigjet me forcë.

Zyrtarët i thanë transmetuesit publik Kan se “një diskutim vendimtar mbi çështjen iraniane” u zhvillua në takim.

Faza tjetër ishte telefonata mes Joe Biden dhe Netanyahu ditën e sotme, ku kryeministri izraelit informoi presidentin amerikan për vendimet e tij.