Historia e ekspertit amerikan të kompiuterave, Eduard Snowden, i cili publikon në media mijëra të dhëna sekrete të Agjencisë Kombëtare të Sigurisë në SHBA, është kthyer në një film, i cili do të transmetohet në SHBA në muajin shtator. Shtëpia e prodhimit “Open Road” ka publikuar në internet trajlerin zyrtar të kësaj premiere që ka për regjisor Oliver Stone. Bëhet fjalë për një film thriller biografi që bazohet në dy librat “Dosja Snowden” nga gazetari i “The Guardian” Luk Harding, i cili shkruajti i pari mbi skandalin në fjalë dhe libri the Oktipus. Rolin e aktorit kryesor protagonist, atë të ekspertit te IT-së, Eduard Snowden e luan aktori i njohur Xhozef Gordon Luit. Ndërsa në këtë premiere luajnë dhe aktorët Nikolas Cage dhe Skot Eastwood. Aktualisht Eduard Snowden ndodhet në Rusi. Ekstradimi i tij kërkohet me ngulm nga SHBA-ja pasi i vlerëson të dhënat e publikuara prej tij si sekret shtetëror. Premiera e filmit Snowden do të shfaqet në SHBA më 16 shtator.
