Një ngjarje e rëndë ka tronditur Tiranën mëngjesin e kësaj të marte.
Një punonjës i Gardës ka vrarë me armën e shërbimit bashkëshorten e tij me iniciale E.S., 36 vjeçe rreth orës 06:00 të mengjesit.
Sipas policisë ai është Alket Arapi 44 vjeç ndërsa ngjarja ka ndodhur në banesën e këtyre të fundit në Allias.
Autori i krimit të rëndë në familje u arrestua nga forcat e rendit.
Gardisti akuzohet për vrasje për shkak të marrëdhënieve familjare.
Njoftimi plote i policise:
“Shërbimet e Policisë të Komisariatit Nr.5, në bashkëpunim me SHÇBA arrestuan në flagrancë shtetasin A. A., 44 vjeç (punonjës në Gardën e Republikës). Rreth orës 06:00 të mëngjesit, në banesën e tij në Allias, ai dyshohet se ka vrarë me armën e shërbimit bashkëshorten, 36 vjeçe.Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vrasje për shkak të marrëdhënieve familjare”’