Dështuan ne garën e pare ne Iowa, por arritën te triumfojnë ne votimet ne shtetin New Hampshire, kandidatet per president te SHBA, Donald Trump dhe Bernie Sanders. Multimiliarderi qe kandidon per republikanet, siguroi 35 perqind te votave, sa dyfishi i ndjekësit me te afërt, guvernatori i Ohajos John Kasich, ndërsa Ted Cruz përfundoi i treti. Fjalimi i Trump ishte entuziast.
Donald Trump:
Do kujdesemi per ekonominë, per vendet e punës, kufijtë dhe shërbimet shëndetësore. Ne do ta bëjmë vendin tone me te fuqishëm, do te fillojmë te fitojmë ne tregti dhe ushtarakisht, ne nuk e kemi mundur dot ISIS. Ne do ta bëjmë Amerikën me te madhe se çka qene.
Senatori i shtetit të Vermontit, Bernie Sanders e mundi me nje rezultat te thelle rivalen e tij Clinton, duke siguruar 60 perqind te votave. Kjo fitore ishte per tre tregues se amerikanet duan ndryshimin.
Bernie Sanders:
Ky është nje revolucion politik, qe do te bashkoje dhjetëra miliona njerëz, ata qe kane lindur këtu dhe ata qe kane emigruar. Ne do te bashkohemi dhe do te themi qarte se qeveria e vendit tone u përket te gjithëve, jo vetëm disa kontribuuesve te pasur te fushatave.
Ndërsa falenderoi Sanders per fitoren, ish-sekretarja e shtetit deklaroi se do te vazhdoje betejën per çdo vote ne fushatën elektorale. Gara e kandidateve për Shtëpinë e Bardhe vazhdon ne Karolinën e Jugut dhe në Nevada.
