Këshilli i Lartë i Prokurorisë ka dorëzuar këtë të premte në Kuvend listën e kandidatëve të renditur për kryeprokuror.
Në shkresën e kreut të KLP, Gent Ibrahimi drejtuar Kuvendit thuhet se asnjëri prej kandidatëve në këtë proces nuk ka ushtruar të drejtën e ankimit dhe se kanë pranuar renditjen.
Në listën e kandidatëve, i pari është renditur prokurori Olsian Çela me 459 pikë, e dyta Arta Marku me 406 pikë dhe e treta Fatjona Memçaj me 362 pikë.
Me marrjen e listës nga KLP, Kuvendi ka 30 ditë kohë që të votojë Prokurorin e Përgjithshëm. Nëse dështon votimi në Kuvend, emërimin e bën KLP.