Kryetari i Bashkisë së Tiranës, Erion Veliaj do të jetë pas pak në studion e “Zgjedhje 2021” në “Vizion Plus”.
Përballë moderatorëve Alban Dudushi dhe Pranvera Borakaj, Veliaj do të përgjigjet për fushatën që po bëhet në Tiranë, listën e kandidatëve socialistë dhe pse ai është zgjedhur për të drejtuar fushatën e kryeqytetit, në ndryshim nga të gjithë kryetarët e bashkive të tjera.
Kryebashkiaku do të “ngacmohet” edhe për aspiratën e tij për të marrë drejtimin e Partisë Socialiste. Një përgjigje prej tij do të vijë edhe për përplasjet politike për shembjen e maternitetit dhe teatrit në Tiranë.
Erion Veliaj do të flasë edhe për shkollat, lejet e ndërtimit aq shumë të përfolura, trafikun e Tiranës dhe zhvillimin e qytetit. Për këto dhe të tjera çështje, Erion Veliaj në “Zgjedhje 2021” në orën 21:00.
