Mirëmbajtja dhe shëndeti i lëkurës së fytyrës është dhe një ndër çështjet më të rëndësishme për secilin nga ne. Në raste të ndryshme janë femrat ato që blejnë produkte nga më të ndryshmet për mirëmbajtjen e fytyrës por që serish në shumë raste nuk marrin rezultatet e pritura.
Ndoshta, arsyeja që ju shtyn të blini gjithmonë produkte te reja është se keni frikë që lëkura juaj mund të mësohet me kozmetikëne vjetër dhe mos të ketë më një efekt të mirë, por mos harroni që një krem i ri mund të shkaktojë deh reaksion. Disa nga gabimet e përditëshme që bëni në kujdesin e fytyrës janë:
Prekja e fytyrës me duar
Duart tuaja prekin sipërfaqe të shumta të papastra gjatë ditës dhe duke prekur fytyrën, ju i transferoni direkt bakteret në lëkurë.
Përdorimi i furçave të papastra
Papastërtitë që gjenden në furçat e makeup-it shkojnë direkt në fytyrën tuaj dhe mund të shkaktojnë inflamacione dhe infeksione.
Dushet e nxehta
Uji i nxehtë largon yndyrën natyrale të lëkurës duke e lënë atë më të thatë se ç’duhet. Ekspertët sugjerojnë që menjëherë pas dushit të apilikoni krem hidratant.
Moslarja e shpeshtë e këllëfit të jastëkut
Fytyra juaj qëndron për orë të tëra në atë sipërfaqe dhe papastërtitë dhe yndyra do të shkaktojnë akne nëse nuk e lani shpesh.
Eksfolimi i tepërt
Përdorimi i tepërt i scrub-eve ose peeling dëmton shtresën sipërfaqësore të lëkurës duke e lënë atë të pambrojtur nga bakteret dhe infeksionet.
Anashkalimi i dushit pas stërvitjes
Djersa, yndyra dhe bakteret që ndodhen në lëkurë, nëse nuk lahen sa më shpejt, vendosen në pore për të krijuar akne.
