Ministrja e Jashtme, Olta Xhaçka reagoi pas thirrjes për futbollistët e Euro 2016 që të dorëzojnë pasaportat diplomatike.

 

Në një postim në “Facebook”, Xhaçka sqaroi se vlefshmëria e pasaportave diplomatike skadon njësoj si çdo dokument tjetër.

 

Megjithatë, shtoi ajo, mirënjohja dhe statusi i fituar në 2016 nga futbollistët, ngelet.

 

“Shumë zhurmë për asgjë! Vlefshmëria e pasaportave diplomatike mbaron siç mbaron vlefshmëria e çdo dokumenti identifikimi që përdoret në shtetin shqiptar, qofshin këto pasaporta apo karta identiteti. Ajo që nuk ka mbaruar e nuk do të mbarojë kurrë është mirënjohja e çdo shqiptari dhe e shtetit shqiptar për ekipin e heronjve të kombëtares që u kualifikuan e luajtën me dinjitet në Europianin 2016, duke i bërë krenarë shqiptarët kudo që jetojnë. Është kjo arsyeja përse djemtë tanë sipas rregullave duhet të dorëzojnë deri me datë 30 qershor pasaportat e marra asokohe, por ama asnjë prej tyre nuk do të humbasë statusin e fituar me aq të drejtë në 2016.”

Leave a Reply

Your email address will not be published. Required fields are marked *