Futboll, fiton Milan e Roma

Milani vazhdon serine e rezultateve pozitive, duke arritur nje fitore te rëndësishme 1-0 ndaj Torinos, per te besuar te objektivi kryesor i mbetur ne nje sezon te vështire, sigurimi i vendit te trete per hyrjen ne Champions League. Nënte ndeshje pa humbje per te besuarit e Mihajlovic, qe tani janë ne vend te gjashte vetëm nje pike larg Interit. Këta te fundit zbresin mbrëmjen e sotme ne fushe ne derbin e Italisë kundër Juventusit, nje ndeshje e cilësuar si me e rëndësishmja e sezonit. Por te dy milanezët presin me kureshtje sfidën e se hënës mes Fiorentines e Napolit. Ne sfidën kundër demave Milani është shfaqur agresiv qe nga minuta e pare e ndeshjes, duke i shkuar pranë golit ne minutën e 27-te, kur Honda goditi traversën. Goli i vetëm i takimit qe vlen tre pike për kuqezinjtë u shënua ne fund te pjesës se pare me autor Antonelin. Një gol i rendesishem qe jo vetëm zhbllokoi takimin, por i dha qetësi Milanit te administronte deri ne fund ndeshjen, duke i rezistuar përpjekjeve te Torinos për te ekuilibruar ndeshjen. Tre pike me shume vlera edhe për Romen ne ndeshjen tjetër te luajtur te shtunën ne fushën e Empolit 1-3. Distanca e dy kryesueset Juventus e Napoli ngushtohet ne respektivisht pese e katër pike ne pritje te ndeshjeve te tyre.