Të paktën 25 emigrantë janë mbytur nga fundosja e një anije në një tjetër tragjedi në detin Egje. Ngjarja e rëndë ka ndodhur pranë rajonit Didim, kur mjeti lundrues është mbytur. Dyshohet se fundosja ka ndodhur për shkak të mbingarkesës. Rojet bregdetare turke kanë arritur të evakuojnë 15 persona, ndërsa kërkimet në det vijojnë. Anija me emigrantë, pjesa më e madhe e të cilëve siriane, ishte nisur drejt Greqisë, si portë hyrëse për të kaluar më pas në vendet e tjera të unionit.
