Edhe në Shkopet mund të bëhet plazh. Disa të rinj nga Tirana kanë zgjedhur ujin e pastër të liqenit për të përballuar temperaturat e larta që kanë përfshirë vendin.
Zgjedhja e tyre nuk është krejt e rastësishme. Ata shprehen se në Shkopet jo vetëm që sfidojnë të nxehtin me freskinë e ujit, por shijojnë dhe natyrën, duke pasur mundësi edhe për të peshkuar.
E gjithë vija liqenore e Shkopetit frekuentohet nga grupmosha të ndryshme që vijnë kryesisht nga Tirana, Laçi e Lezha. Prania e rrugëve nacionale pranë liqenit bën që qytetarët të kenë lehtësi për të shkuar drejt këtij destinacioni.
