Fund barbarisë me mjedisin

Përveç moratoriumit te pyjeve, Kryeministri Edi Rama ka paralajmëruar masa ndëshkuese për t’i dhëne fund masakrës mjedisore të ndodhur gjatë dy dekadave të fundit. Ai i beri këto deklarata nga Elbasani, ku asistoi në pyllëzimin e zonës pranë lumit Shushicë dhe sistemimin e shtratit të Shkumbinit. Edhe ministri i Mjedisit Lefter Koka, përforcoi edhe idenë se, moratoriumi për pyjet është jetik për vendin, pasi shmang erozionin dhe daljen e lumenjve nga shtrati. Moratoriumi 10 vjeçar i pyjeve, parashikon të rivitalizojë zonën e degraduar përgjatë lumit Shushicës, si edhe të sistemojë shtratin e lumit Shkumbin, i cili disa javë më parë, përmbyti me qindra hektarë tokë bujqësore, në Elbasan dhe Lushnje.