Edhe në kushte pandemie, Korça dhe fshatrat turistikë të Dardhës, Voskopojës dhe Boboshticës, janë të kërkuar nga turistët vendas.
Ajo çfarë vihet re kohët e fundit është se fshatrat turistikë po frekuentohen më së shumti nga të rinjtë dhe më pak nga moshat e rritura.
Xheni Eski eksperte e turizmit dhe agrokulturës tha se tri janë arsyet kryesore që kohët e fundit, brezi i ri frekuenton Korçën: kulinaria tradicionale, muzika live në lokale, si dhe shëtitjet në natyrë në fshatrat turistikë.
Por duhet thënë se kërkesat në rritje e të rinjve për Korçën dhe zonat turistike edhe për ekspertët e turizmit është më e madhe në vjeshtë, dimër dhe pranverë, pasi në stinën e verës brezi i ri shtyhet më tepër drejt bregdetit.
