Këto janë disa nga kullat karakteristike në fshatin Kurdari në Bashkinë e Klosit. Edhe pse mbartin vlera të mëdha historiko-kulturore ende në to nuk ka investime të mirëfillta për ti shfrytëzuar për turizëm.
Drejtuesit vendor pohuan se Instituti i Monumenteve të Kulturës, inspektoi disa nga këto objekte, por ende nuk ka vendim për rikonstruksionin dhe kthimin e tyre ne bujtina.
Buxheti aktual i bashkisë është i pamjaftueshëm që në këto kulla të nisë investimi.
Megjithë buxhetin e pamjaftueshëm, pushteti vendor në Klos po shikon mundësinë që të sigurojë fonde për të ndërhyrë tek këto kulla.
