Pas vrasjes barbare te nje prifti ne kishe nga dy mbështetës te shtetit islamik janë zbuluar te tjera detaje per ketë ngjarje. Njeri prej dy personave qe u ekzekutuan nga policia si autore te vrasjes dhe pengmarrës se dy murgeshave e dy besimtareve, ishte nen mbikëqyrje dhe mbante nje byzylyk elektronik. Nje gjykatëse kishte vendosur qe ai mund te dilte nga shtëpia vetëm gjate mëngjeseve. 19 vjeçari i identifikuar si Adel Kermiche, ishte arrestuar dy here vitin e kaluar ndërsa perpiqej te shkonte ne Siri. Se bashku me nje tjeter person ai kreu sulmin ne kishën e Saint-Etienne-du-Rouvray kur prifti mbante meshën. Ndërkohe, pas vrasjes barbare te priftit, liderët fetare ne France kane kërkuar me shume siguri ne objektet e kultit. Përfaqësues te besimeve te krishtere, musliman, hebre dhe budist u takuan me presidentin Hollande, ku deklaruan se edhe vende te tilla mund te jene pre e sulmeve terroriste. Ata theksuan se nuk do ta lene veten te përfshihen ne lojërat politike te shtetit islamik. Presidenti mbajti edhe nje takim te Këshillit te mbrojtjes dhe sigurisë.
