Është cilësuar si nje finale e parakohshme dhe nuk mund te ishte ndryshe duke pare se te dy ekipet kane fituar se bashku 5 kampionate botërore dhe po kaq evropiane. Gjermani-France gjysmefinalja e dyte e Euro 2016 e programuar për sonte ne orën 21:00 ne Velodrom te Marsejës premton spektakël dhe emocione. Te ashtuquajturit “pancerat” vine ne kete ndeshje pasi eliminuan Italinë, pas 120 minutave loje dhe 18 penalltive, ndërsa francezet kanë provën e tyre te pare te vërtete përballe nje skuadër te madhe. Franca nuk e mund Gjermaninë ne garat zyrtare qe nga finalja per vendin e trete te botërorit te 1958 kur ne Goteborg fitonte 6-3. Qe nga ajo dite gjithmonë Gjermania ka festuar ne dy gjysmëfinalet e botërorit te ’82 dhe ’86 por edhe ne çerekfinalet e botërorit 2014. Nëse do te numërohen edhe miqësoret, atëherë bilanci është ne favor te Francës me 13 fitore e 6 barazime e 9 humbje. Gjermania vjen ne këtë sfide me mungesa te mëdha; përveç te dëmtuarve Mario Gomez dhe Sami Kedira edhe Humels është i s’kualifikuar. Tekniku Loeë është i detyruar te revolucionarizoje skuadrën, duke futur ne prapavije Mustafin, ndërsa ne sulm do t’i besohet Goetze, i cili vetëm dy vite me pare i dhuroi gjermaneve kupën e botes me nje gol ne minutat shtese. Te gjithë te disponueshem per teknikun Deshamps ne kampin kundërshtar, i cili mendon te lere ne pankine mesfushorin e Leicester Kante për t’i dhënë hapësire Sisosoko.
