Franca paralizohet nga greva

Franca është paralizuar nga grevat e punonjësve të Hekurudhës dhe Porteve, në shenjë proteste ndaj reformës për pagat dhe kushtet e punës që presidenti Fransua Holonde dhe qeveria franceze, kërkon të votojë. Transporti me anije drejt Britanisë, do të vijojë të mbetet i pezulluar deri të premten, ndërsa lëvizja e qytetarëve me trenat e shpejtësisë së lartë brenda dhe jashtëqytetase është reduktuar në 50%. Kjo greve vjen një ditë pas deklaratës së presidentit Holond, i cili tha se pavarësisht kundërshtimit të opozitës dhe protestave në rrugë, do të miratojë këtë reformë. Drafti parashikon reduktimin e pagesave për orët shtesë të punës. Sindikatat e punëtorëve njoftojnë se miratimi i këtij drafti inkurajon papunësinë në një kohë kur ajo ka prekur shifrën e 10 %. Gjatë javës së fundit në Paris dhe qytete të tjera ka patur protesta të qytetarëve dhe përleshje të tyre me forcat e rendit.