“Komandant i legjionit të nderit” për Kadarenë

Franca nderoi me titullin “Komandant i Legjionit të Nderit”, shkrimtarin e njohur shqiptar Ismail Kadare. Presidenti Fransua Holonde ia dorëzoi këtë çmim shkrimtarit të madh në Elysee. I pranishëm në këtë ceremoni nderimi ishte edhe kryeministri Rama, i cili u prit në një takim të veçante nga presidenti francez. Ky vit qe është shpallur si viti i Kadaresë, përkon edhe me 80-vjetorin e lindjes se shkrimtarit. Nuk kishte si të mungonte edhe nderimi si “Komandant i Legjionit të Nderit”. Ky titull u është akorduar figurave të njohura nga e gjithë bota që nga viti 1802.