Franca nisi këtë të martë fazën e 2 të rikthimit në normalitet pasi vendi shënoi një ulje të ndjeshme në kurbës së infeksionit.
Baret dhe restorantet kanë nisur ti shërbejnë klientëve për herë të parë pas gati 3 muajsh mbyllje.
Po ashtu nxënësit e shkollave të mesme u rikthyën në bankat e shkollës, ndërsa plazhet publike kanë pritur klientët e parë të këtij sezoni veror.
Parisi i cili vijon të mbetet një zonë portokalli ka hapur vetëm parqet dhe restorantet të cilat garantojnë distancën fizike mes klientëve.
Sot kushtet janë më të rrepta lidhur me distancimin fizik, por shumë bizneseve u është lejuar të vendosin tavolinat e tyre në trotuare, rrugë dhe hapsira të gjelbëra.
Ndërsa transporti publik është planifikuar të hapet në mes të qershorit.Vendimi i Francës për rikthimin në normalitet ndjek shumicën dërrmuese të vendeve të Bashkimit Europian.
Edhe Britania e Madhe vend i 2 më i goditur nga pandemia në Bashkimin Europian, ka nisur me lehtësimin e masave. Vendi hapi një ditë më parë shkollat, ndërsa sot deputetëve u është kërkuar të rikthehen në Parlament.
FRANCA HAP BARET E RESTORANTET
EDHE BRITANIA E MADHE LEHTESON NDJESHEM MASAT
