E pasur ne emocione mund te etiketohet miqësorja e pare e Francës, kundërshtarja e Shqipërisë ne finalet e kampionatit europian. Ne stadiumin “La Beaujoire” te Nantes, te ashtuquajturit gjelat munden Kamerunin me rezultatin 3-2, nje ndeshje ne fakt me shume dritëhije per te zotet e shtëpisë. Skuadra e Dider Deshamps u tregua mjaft efikase ne mesfushe dhe sulm, por problemet e mëdha u evidentuan ne prapavije. Vendasit arritën te zhbllokonin shifrat ne minutën e 20, kur Matuidi pasi nje pasimi te Coman mposhti portierin kundërshtar. Por akoma pa ju gëzuar golit te avantazhit, dy minuta me vone ne nje mbrojtje te përgjumur, Abubakar ktheu gjithçka ne baraspeshe. Ne minutën e 41 Franca kaloi përsëri ne avantazh me Giroud, por merita me e madhe i takoi Pol Pogba me krosimin e tij perfekt. Dy minuta nga fundi ne nje tjetër gabim te mbrojtjes, Rami dhe Kocielny nuk arritën te nxirrnin ne pozicion jashtë loje kundërshtarin dhe Chupo Moting mposhti portierin Loris. Emocionet nuk kishin përfunduar akoma ne Nante kur ne nje goditje dënimi ne minutën e 90 Dimitri Payet çoi topin ne rrjete. 3-2 rezultati përfundimtar per Francën, kambane alarmi per skuadrën e Dider Deshamps sidomos ne mbrojtje ne prag te finaleve te kampionatit evropian.
