Në Francë hyri në fuqi këtë të mërkurë “pasaporta a gjelbër”. Me ligjin e ri, të gjithë qytetarët do të duhet të paraqesin një certifikatë të re shëndetësore, e cila do të tregojë se janë vaksinuar, kanë një përgjigje te testit negativ apo shëruar nga koronavirusi. Vetëm kështu ata mund të kenë akses në aktivitete kulturore.
Ndërkohë, pritet të vendoset nëse pasaporta do të aplikohet edhe për hyrjen në kafe, bare, restorante dhe qendra tregtare.
Disa ditë më pare, presidenti francez, Emmanuel Macron, njoftoi vendimin për pasaportën, si dhe vaksinimin e detyrueshëm për të gjithë punëtorët shëndetësorë, deri në muajin shtator.
Deklarata shkaktoi reagime të ashpra nga francezët, të cilët mbushën rrugët për të protestuar.
Ndërkohë, edhe në Australi zemërimi është duke u rritur pas vendimit të qeverisë për të shtuar masat e izolimit. Më shumë se 13 milionë australianë, rreth gjysma e popullsisë, janë në izolim total.
