Gjykata e Apelit në Shkodër vendosi masën e sigurisë “arrest shtëpie” pa mbikëqyrje policore për kryetarin e bashkisë së Lezhës, Fran Frrokaj. Ai akuzohet për “shpërdorim detyre” për çështjen e tjetërsimit të pronave në bregdetin e Shëngjinit. E njëjta masë sigurie u caktua edhe për kreun e qarkut të Lezhës, Gjok Ndoka dhe zv/kryetarin e bashkisë së këtij qyteti.
Përballe trupit gjykues, Frrokaj tha se ishte ndier i ofenduar nga Prokuroria. Ai kërkoi që të mos ketë asnjë kufizim dhe hetimi të bëhet në gjendje të lirë. Avokati Adrian Leka tha se Fran Frrokaj u ndalua pa paraqitur asnjë provë, ndërsa në dosjen e Prokurorisë sipas tij, nuk ka asnjë dokument që fajëson kryebashkiakun për tjetërsim pronash në Shëngjin apo shpërdorim detyre.
