Motrat Kardashian janë ndër personazhet më aktiv në rrjete sociale, madje paguhen shumë vetëm për një postimet e tyre. Megjithatë ditën e djeshme njërës prej motrave i ka ndodhur diçka jo fort e këndshme.
Një postim i fundit nga Kylie Jenner në Snapchat, u tregoi të gjithëve se llogaria e saj ishte hakuar dhe kushdo që do të donte të shihte foto të saj nudo duhet të kontaktonte një përdorues të quajtur “chikri95”.
Në të njëjtën kohë personi me këtë emër, në llogarinë e tij në Twitter, u bënte thirrje të gjithëve se dispononte materiale të yllit të “Keeping Up With the Kardashians” . Kjo nuk është hera e parë që Kylie bie pre e sulmit kibernetik pasi e njëjta histori ndodhi dhe verën e vitit të kaluar. Deri tani nuk ka dalë asnjë nga fotot që mendohej se përdoruesi me emrin “Chikri95” do të postonte dhe nga Kylie nuk ka asnjë reagim.
