Prej të paktën 5 muajsh Antidroga e Tiranës kishte nën vëzhgim Abdurrahman Rizvanin dhe Kujtim Ukajn, dy persona të dyshuar si të përfshirë në shitjen dhe prodhimin e kanabisit, ndërkohë dy të tjerë, bashkëpunëtorë në trafik, janë shpallur në kërkim.
Në total blutë sekuestruan 6 thasë me kanabis me peshë 60 kg.
Lexo edhe :
Related Posts
Pasi agjentët kishin marrë informacion përmes metodave proaktive se dy të rinjtë do takoheshin për blerjen e një sasie të madhe kanabisi, organizuan operacionin për kapjen e tyre.
Burimet bëjnë me dije se lënda narkotike po transportohej nga fshati Blerim i Fushë Arrëzit nga Abdurrahman Rizvani, i cili dyshohet se e ka kultivuar atje, dhe po ia sillte për shitje Kujtim Ukajt.
Në makinën e parë ishte një nga personat e shpallur në kërkim i cili ruante dhe vëzhgonte rrugën nëse kishte apo jo prani të policisë.
Lënda narkotike do të dorëzohej në Fushë Krujë te Kujtim Ukaj, i cili më pas do e shiste në zonën e Kamzës.
Një kg kanabisit do shitej 1200 euro, ndërsa e gjithë sasia shkonte në 72.000 euro./vizionplus.tv
