Personi që shikoni në foto është 35-vjeçari Jetnor Zhaboli, i cili mbante të mbyllur prej muajsh në banesë familjarët e tij.
Lexo edhe :
Related Posts
Zhaboli mbante të mbyllur bashkëshorten, nënën dhe fëmijët e mitur dhe i monitoronte edhe me kamera.
Madje kamerat ishin vendosur edhe në dhomën e gjumit dhe në tualet.
Ai ka deklaruar në polici se e bënte këtë për t’i mbajtur familjarët nën kontroll.
Nga ana e të dhunuarve nuk ka pasur një denoncim në polici. Ngjarja u zbulua nga policia nëpërmjet rrugëve operative dhe më pas është ndërhyrë.
Në momentin kur efektivët kanë shkuar në banesë të gjitha dyert ishin kyçur dhe dëgjoheshin vetëm zërat e njerëzve që ishin brenda.
Më pas policia ka marrë 35-vjeçarin, i cili ka hapur derën e banesës.
Zhaboli dhe bashkëshortja e tij ishin të martuar prej 10 vjetësh. Gjatë kësaj periudhe, 35-vjeçari kishte shfaqur vazhdimisht xhelozi, por vitet e fundit sjelljet e tij ishin bërë më agresive.
