Kryeministri Edi Rama ndodhet për një vizitë dyditore në Ankara të Turqisë. Ai është takuar me presidentin turk, Rexhep Tajip Erdogan, ndërsa në “Facebook” ka shpërndarë një foto.
Shefi i qeverisë e quan Erdoganin mik, teksa takimi midis tyre ka qenë informal dhe nuk ka detaje se për çfarë kanë diskutuar.
Më herët, Rama tha se ndodhet në Ankara për ecurinë e projekteve të bashkëpunimit dypalësh mes ministrive dhe për të “thithur” investitorë në teknologjinë digjitale, turizëm, farmaceutikë, energji dhe transport.
