Presidenti i Kosovës, Hashim Thaçi, ka reaguar pas tërmetit në Shqipëri ku thekson se Kosova është në mbështejtet të të gjithë shqiptarëve dhe Forcat e Sigurisë së Kosovës janë nisur drejt zonavr të dëmtuara.
Përmes një postimi në Facebook, Thaçi shkruan se pas komunikimit me kryeministrin Ramë i ka konfirmuar se njësitë përkatëse të Forcës së Sigurisë së Kosovës janë nisur drejt zonave të dëmtuara nga tërmeti
“Sapo fola me kryeministrin Edi Rama, ku u informova për gjendjen pas tërmetit që goditi Shqipërinë. Kryeministrit Rama, në emër të qytetarëve të Kosovës i shpreha ngushëllimet më të sinqerta për viktimat që pësuan nga tërmeti. Kryeministrin Rama e sigurova se Kosova do të jetë në mbështetje dhe përkrah Shqipërisë. Tashmë njësitë përkatëse të Forcës së Sigurisë së Kosovës janë nisur drejt zonave të dëmtuara nga tërmeti.”