Në kulmin e përplasjeve të forta në distancë dhe replikave të ashpra mbi zgjedhjen e anëtarëve të Gjykatës Kushtetuese, Presidenti Meta nuk i ka kursyer deklaratat e ashpra edhe ndaj selive diplomatike në vendin tonë. Herë nëpërmjet Blushit të tij ( sic thotë shpesh Presidenti) e herë në daljet e veta mediatike, Ilir Meta është kthyer në personazhin politik më të përfolur të momentit.

Edhe këtë herë në daljen para mediave, para presidencës fill pas takimit me ish Presidentin Nishani, ai ka dhuruar show, jo vetëm me fjalorin e përdorur duke i etiketuar ndërkombëtarët palace, por edhe me gjestet e tij, perdorimi i duarve dhe tonaliteti i ashpër i zërit.

Por në anën tjetër ka bërë përshtypje edhe një fotografi e shpërndarë nga Presidenca ku ai nderon gati-gati si ushtarak, gardistin e Presidencës brenda në oborrin e këtij institucioni. Në mesin e luftës së fotrtë politike me mazhorancën dhe selite diplomatike në Tiranë, kreu i shtetit shfaqet ndryshe…

 

Leave a Reply

Your email address will not be published. Required fields are marked *