Dalin fotot e viktimës dhe autorit të krimit të rëndë të ndodhur këtë të premte në Athinë. Mediat greke kanë publikuar fotot e 31-vjeçares që u vra me thikë nga burri i saj shqiptar, 40 vjeç.
Për këtë ngjarje të rëndë kanë dhënë dëshminë e tyre edhe fqinjët, të cilët kanë deklaruar se çifti kishte debate të shpeshta. Marrëdhëniet e tyre me komshinjtë ishin të ftohta.
“Ata kanë jetuar këtu për të paktën dy vjet. Ata ishin një çift që ziheshin shpesh, asgjë e papritur nuk ndodhi. Më 11 korrik, kisha paraqitur një ankesë në polici sepse ata u grindën atë ditë. Policia erdhi, patrulloi me makinë lart e poshtë, por mendoj se nuk trokiti fare në derën e tyre. Ne nuk dinim as emrat e tyre, e vetmja herë që ata kanë trokitur në derën tonë ishte gjatë periudhës së karantinës, kur djalit të tyre i duhej kodi i internetit për shkak të punës në distancë”.
Pasi i mori jetën gruas, shqiptari u dorëzua në polici, ku rrëfeu se krimin e kreu për shkak të xhelozisë.
