“Keni dy fëmijë, mendoni për ta…”, kështu nis letra kërcënuese që i ka mbërritur gjyqtares së Gjykatës së Tiranës, Arnisa Këlliçi.
Letra kërcënuese që i ka mbërritur gjyqtares Këlliçi, është siguruar nga gazetarja e Vizion Plus, Blerina Cene.
Lexo edhe :
Related Posts
Ishte vetë gjyqtarja që pas marrjes së letrës kërcënuese ju drejtua menjëherë Këshillit të Lartë të Gjyqësorit ku i kërkoi mbrojtje për vete dhe familjen e saj..
Pjesë nga letra kërcënuese:
E dashur Arnisa.
Keni dy fëmijë ….. dhe ….. Mendoni për ta!
Si mund të rroni ju, e jo ata e kjo është e rëndë.
Me respekt
Pas marrjes së letrës kërcënuese gjyqtarja i është drejtuar KLGJ-së për mbrojtje.
Në shkresën që ajo i ka drejtuar KLGj-së i vë në dijeni se letra e kërcënuese i ka ardhur këtë të shtunë, kur data shënon 20.01.2024. Letra mendohet që të ketë ardhur nga burgu.
Kërkesa e gjyqtares:
Të nderuar!
Para pak ditësh më është bërë me dije nga Kancelari i kësaj Gjykate që kundrejt meje, gjyqtares Amisa Këlliçi, ka patur një kërcënim me jetë.
Për këtë fakt unë nuk kam prova, por më është bërë me dije se ka një kallëzim të depozituar nga ana e Kancelarit të Gjykatës së Shkallës së Parë të Juridiksionit të Përgjithshëm Tiranë.
Sot më datë 20.01.2024, më ka ardhur një letër kërcënuese, që me aq sa mund të deshifroj përmban kërcënime për mua, fëmijët e mi dhe familjen time.
Unë nuk mund të atestoj në asnjë moment për vërtetësinë e kësaj letre.
Thënë kjo, për çdo eventualitet, unë kërkoj një mbrojtje të posaçme, për aq sa ju e shihni të nevojshme.
