Mbrëmjen e sotme është arrestuar në një fshat të Ferizajt në Kosovë i shumëkërkuari nga autoritetet shqiptare dhe ato të Italisë, Gëzim Çela, i njohur ndryshe edhe si baroni i Fushë Kuqes.
Lexo edhe :
Related Posts
Pas marrjes së informacionit për vendndodhjen e Çelës, policia shqiptare në bashkëpunim me policinë e Kosovës kanë përgatitur operacionin “Fundi i trishtë” për arrestimin e tij.
Lidhur me këtë operacion policia e Kosovës bën me dije se në momentin e arrestimit të Çelës, ky i fundit ka qenë i shoqëruar me dy femra nga Shqipëria dhe një burrë nga Kosova.
Gjithashtu në banesën ku është arrestuar në fshatin Dardani të Ferizajt është gjetur dhe një armë kallashnikov.
Njoftimi:
Policia e Kosovës, konkretisht zyrtarë policorë nga Drejtoria për Hetimin e Trafikimit me Narkotik (DHTN), pas një pune intensive operative dhe në bashkëpunim e koordinim me autoritetet policore të Republikës së Shqipërisë, sot më 08.12.2023, në një fshat në Ferizaj, kanë arrestuar një të dyshuar.
Hetuesit policorë nga DHTN-ja kanë arritur që sot rreth orës 17:55, të lokalizojnë vend-ndodhjen e të dyshuarit, i cili ishte në kërkim ndërkombëtar. I dyshuari G.Ç., (mashkull shtetas i Shqipërisë), në momentin e arrestimit ishte në shoqëri me dy femra shtetase të Shqipërisë dhe një mashkulli nga Kosova. Dyshohet se shtetasi i Kosovës, ka strehuar për një kohë në shtëpinë e tij në një fshat të Vitisë, të dyshuarin nga Shqipëria. Arrestimi është kryer në fshatin Dardani të Ferizajt dhe hetuesit e anti-drogës gjatë operacionit të arrestimit të të dyshuarit janë mbështetur nga njësi tjera të PK-së.
Për arrestimin janë njoftuar organet e drejtësisë dhe me urdhër nga prokurori i Departamentit të Krimeve të Rënda-Ferizaj është kontrolluar shtëpia e të dyshuarit A.I., në një fshat të Vitisë. Gjatë kontrollit në shtëpi është gjetur dhe konfiskuar një AK-47 me 15 fishekë.
Po ashtu, lidhur me rastin është njoftuar edhe Njësia FAST-ILECU të cilët në koordinim me organet e drejtësisë, do të merren me procedura rreth rasteve kur kemi të bëjmë me arrestime të personave që janë në kërkim ndërkombëtar.
Policia e Kosovës do të vazhdojë aktivitetet në drejtim të sigurimit të një ambienti sa më të sigurt për qytetarët, arrestimin e personave të dyshuar dhe dërgimin e tyre para organeve të drejtësisë si dhe do të vazhdojë e të thellojë bashkëpunimin me policitë e shteteve mike, me theks të veçantë me Policinë e Shtetit. /Vizionplus.tv/
