Anduel Kovaçi, një nga finalistët e spektaklit “Ferma VIP 2”, ka ndarë së fundmi një moment të veçantë me partneren e tij Klean, duke rikthyer vëmendjen te jeta e tij personale. Në një postim në InstaStory, këngëtari shihet i përqafuar me të dashurën para një vendi të shenjtë, por sërish ka zgjedhur të mos zbulojë fytyrën e saj.
Gjatë qëndrimit në fermë, Andueli tregoi një anë shumë të ndjeshme të vetes, duke folur hapur për dashurinë që ka për Klean. Në një nga momentet më të komentuara të spektaklit, partnerja e tij e surprizoi me një letër prekëse që emocionoi publikun dhe banorët e tjerë.
Edhe pse nuk fitoi çmimin e madh, i cili shkoi për reperin Big Basta, Andueli fitoi zemrat e publikut me sinqeritetin dhe përkushtimin ndaj lidhjes së tij. Ai vazhdon ta ruajë jetën private me shumë kujdes, duke ndarë vetëm copëza të vogla me ndjekësit.
/vizionplus.tv
