Dita e parë e shkollës këtë vit nisi krejt ndryshe.
Kushtet e reja të pandemisë do të diktojnë edhe sjelljet e nxënësve e mësuesve, të cilët duhet të përshtaten me normalitetin e ri. Mbajtja e maskës, ruajtja e distancës, dhe dezinfektimi i vazhdueshëm, janë rregullat strikte që detyrojnë çdo nxënës t’i zbatojë në ambientet e shkollës.
Nxënësit e turnit të parë, u paraqitën në shkollë në orën 07:30. Vetëm pas matjes së temperaturës dhe konfirmimit të formularit të vetdeklarimit që nuk kanë shqetësime shëndetësore nga prindërit e tyre, nxënësit u futën në mjediset shkollore.
Nxënësit
“Ishim më mirë vitin e kaluar se këtë vit duhet të zbatojmë të gjitha rregullat. Është pak e vështirë.”
Frika nga infektimi me virusin e ri ekziston jo vetëm nga nxënësit, por edhe nga prindërit e gjyshërit, të cilët pavarësisht kësaj, nuk do e zgjidhnin kurrsesi mësimin në distancë, veçanërisht për më të vegjlit.
Prindërit
“Kemi frikë normalisht, por uroj të shkojë çdo gjë mirë.”
“Do jetë pak vit i vështirë, por do mundohemi për më të mirën me mundësitë që ofron shkolla dhe ne si prindër. Por më mirë të vijë fëmija në shkollë padyshim, është e domosdoshme.”
“S’e di si do mbrohen fëmijët, plus edhe shkurtimi i orëve është pak në disfavorin e mësimnxënies, por onlinë gjithsesi s’do kisha preferuar, sidomos këta të vegjlit, s’ka kush i ndihmon, prindërit janë në punë.”
Edhe mësuesit e pranojnë që ky vit i ri shkollor do të jetë sfidues nën këto kushte.
Mësuesja
“Jam mësuese e klasës së parë. Do jetë pak i vështirë ky vit dhe do ketë sfida më shumë se ço vit tjetër, por do mundohemi të përshtatemi. Të zhvillojmë mësimin dhe lëvijen në shkollë nën rregullat e protokollit”
Pas përfundimit të mësimit, nxënësit u shprehën se e patën të vështirë t’i respektojnë rregullat veçanërisht mbajtjen e maskës.
Nxnësit
“E hoqa disa herë maskën se më bezdiste, por mësimi ishte i bukur, mësuesja nuk na linte të lëviznim nga banka dhe të shkoja të bankat e tjera”
Të tjerë preferuan ta shkelin rregull dhe refuzojne mbajtjen e maskes.
Nxënësit
“Nuk e mbajta maskën. E hoqa se ishte e parehatshme. E di që duhet ta mbaj, më kanë thënë prindërit dhe mësuesit, por unë them jo.”
“E mbajtëm, por pati edhe nga ato nxënës që e hoqën.”
Pati edhe prindër të pakënaqur nga zbatueshmëria e masave në shkolla ndersa nuk munguan grumbullimet.
Prindi
“E mbajti maskën vajza, por jam shumë e pakënaqur nga fakti që s’u respektuan masat nga të tjerët në shkollë. As prindërit, as nxënësit, as distancën nuk ruajtën, as gjë ”
Mësimi në distancë mbetet ende një skenar i mundshëm, i cili do të vihet në zbatim në rastet kur një nxënës është i sëmurë apo në rast infektimi, që do të sjellë karantinim e klasës apo gjithë shkollës.
