Forma e dobët e Dakut, trajneri zbulon shkakun

Trajneri i Rubin Kazanit ka zbuluar shkakun se pse Mirlind Daku është dukur jashtë forme në ndeshjet e fundit.

Rashid Rakimov ka thënë se Daku është duke luajtur me injeksione gjatë gjithë kohës, prandaj ai ka nevojë të bëjë disa ditë pushim që të marrë veten.

“Mirlindi po trajtohet. Ai nuk mund të luajë me injeksione gjatë gjithë kohës. E njëjta gjë po ndodhte në Kombëtare.

Kjo ndikon në psikologjinë e tij, sepse nëse dhimbja nuk ikën, lojtari nervozohet. Duhet ta lëmë pushim”, thotë Rashid Rakimov, trajneri i Rubin Kazan.