Forcat xheniere nisin punën për shembjen e një objekti 4-katësh në Shkozet

Forcat e Armatosura vijojnë angazhimin për përballimin e pasojave të shkaktuara nga tërmeti i javës së shkuar.

Xhenierët e Komandës Mbështetëse në bashkëpunim me IKMT, vijojnë punën për shembjen e kontrolluar të objekteve të dëmtuara nga tërmeti, të cilat janë klasifikuara si të pabanueshme.

Aktualisht, xhenierët e FA po punojnë për shembjen e kontrolluar të një objekti 4-katësh në Shkozet.

Puna në terren po koordinohet edhe me Prokurorinë, e cila në kuadër të hetimeve të nisura, po mbledh prova materiale përpara shembjes së objekteve.