Forcat pro-iraniane në Siri kanë deklaruar se janë gati për t’iu përgjigjur sulmeve të mëtejshme ajrore të Shteteve të Bashkuara mbi pozicionet e tyre, pas sulmeve me raketa dhe dron në Siri gjatë 24 orëve të fundit.
Deklarata e lëshuar mbremjen e se premtes dhe e nënshkruar nga Komiteti Këshillimor i Iranit në Siri, theksoi se sulmet ajrore të SHBA-së kishin lënë disa nga luftëtarët e tyre të vdekur dhe të plagosur, pa specifikuar kombësinë e tyre.
“Ne kemi aftësinë të përgjigjemi nëse qendrat dhe forcat tona në Siri janë në shënjestër”, thuhet në deklaratë.
Presidenti Joe Biden deklaroi te premten se SHBA-ja do të përgjigjet “me forcë” për të mbrojtur personelin e saj. Sulmet ajrore të SHBA-së filluan pas një sulmi të enjten nga një dron i dyshuar i prodhuar nga Irani, që vrau një kontraktor amerikan, plagosi një tjetër dhe gjithashtu pesë trupa amerikane në bazën e tyre në Sirinë verilindore.
