Subscribe

Disa zona të Fushë Krujës janë blinduar sot nga Forcat e Ndërhyrjes së Shpejtë, forcat speciale dhe policia lokale.

Efektivë të shumtë zbarkuan në zonën e Niklës e cila njihet si streha e  të shumëkërkuarit Durim Bami dhe personave të tjerë të botës së krimit.

Ky operacion vjen pas një aksioni të fortë të SPAKUT të disa ditëve më parë ku u goditën disa nga grupet me të fuqishme kriminale në vend.

43 urdhër-arreste lëshoi prokuroria e posaçme për personazhet më me ndikim në krimin vendas dhe ende vijojnë kërkimet për ndalimin e shumë prej tyre.

Kontrollet nga RENEA dhe FNSH u shtrinë në disa qytete dhe zona si, Tiranë, Vlorë, Lezhë, Fushë-Krujë, Nikël, Kurbin etj .

Mes personave të futur në listën e zezë janë Durim Bami dhe vëllai i tij Valteri, personazhe të  njohur në zonën e Niklës.

Durim Bami akuzohet për krijim kushtesh për atentatin ndaj Marklen Hakës ku mbeti e vrarë halla e tij. Ngjarja në fjalë ndodhi në vitin 2019. /vizionplus.tv

 

 

Leave a Reply

Your email address will not be published. Required fields are marked *