FNSH kontrolle në Vlorë, shoqërohen disa persona

Forcat e Ndërhyrjes së Shpejtë kanë zhvilluar kontrolle mbrëmjen e sotme në qytetin e Vlorës në kërkim të personave me precedentë penal.

Raportohet se, nga ky aksion janë shoqëruar disa persona, por ende nuk dihen arsyet.

Mësohet se prej disa ditësh FNSH ka zhvilluar kontrolle në disa zona ku dyshohet se janë fshehur persona të shpallur në kërkim.

Nga ana e policisë së Vlorës nuk ka ende njoftim zyrtar lidhur me detajet e operacionit.