Fluksi në rritje I refugjatëve sirianë që vijnë nga Greqia po ndesh në masa gjithnjë e më të forta në kufi nga policia shqiptare.
Burime të besueshme pranë kësaj dukurie klandestinësh, bëjnë të ditur se 10 ditën e fundit është kapur një numer I lartë sirianësh në kufirin jeshil me Greqinë.
Kjo tregon fluksin në rritje të hyrjes së tyre në territorin shqiptar me përmirësimin e kushteve të motit.
Përballë kësaj situate, policia kufitare shqiptare nga ana e saj ka forcuar së tepërmi masat e kontrollit në zonat ky depërtojnë grupet e refugjatëve sirianë.
Jo vetëm kaq, por nga ana e policisë kufitare janë shkurtuar së tepërmi procedurat e trajtimit të këtyre shtetsve të huaj.
Policia tashmë formalizohet me marjen në pyetje të refugjatëve sirianë që në Devoll, dhe nuk I vazhdon më procedurat e trajtimit të tyre në Drejtorinë rajonale të kufirit. Burime të sigurta thanë se janë të pakët refugjatët sirianë që po dërgohen në qëndrën e ngritur për ata në Babrru të Tiranës.
Përjashtim të pakët bëjnë familjarët, apo ata që e justifikojnë gjatë marjes në pyetje hyrjen në Shqipëri dhe më tej azilin në vendet e BE.
Ky kthim I shpejtë në Greqi I sirianëve është pjesë e masave të policisë për të ndaluar fluksin e tyre, por sidomos nga mbipopullimi I qëndrës së trajtimit të tyre në Babrru.
Refugjatët sirianë hyjnë ilegalisht në Shqipëri pasi largohen nga kampi grek I Idomenit, prandaj policia kufitare shqiptare I detyron të rikthehen në vendin fqinj.
