Fluks emigrantësh në Itali dhe Greqi

Përmirësimi i kushteve te motit ka rikthyer zbarkimet e emigranteve ne brigjet italiane dhe greke. Vetëm gjate oreve te fundit forcat e marinës ushtarake italiane kane kryer disa operacione dhe kane shpetuar ne kanalin e Sicilisë jeten e mbi 2800 refugjateve qe udhëtonin nga Afrika, mes te cilëve gra e fëmijë. Por dhjetëra te tjere te nisur nga Libia jane mbytur ne det. Edhe ne Greqi pas nje periudhe relativisht te qete është rikthyer fluksi i emigranteve. Qeveria vazhdon te hase ne rezistencën e emigranteve qe kane mbetur te bllokuar ne kampin e Idomenit. Pavarësisht gjendjes dramatike, ata refuzojnë te zhvendosen ne qendrat e pritjes. Maqedonia, nje nder vendet ballkanike qe kane mbyllur kufijte këmbëngul qe zgjidhja per ta te vije nga Bashkimi Europian. Ministri i Jashtem Popovski ishte ne Pustec, ku u takua me përfaqësues te komunitetit maqedonas.
“Fati i emigranteve duhet te zgjidhet ne bashkimin europian. Asnje shtet nuk e zgjidh vete kete problem. Por duhet te jemi pjese e zgjidhjes dhe te permbushim vendimet e BE. Nuk kemi mare vendim te njeanshem. Interesi yne eshte qe situata te zgjidhet shpejt”.
Kriza e emigranteve ishte ne fokus te nje konference te UNHCR ne Gjeneve. Shefi i OKB Ban Ki Moon theskoi se kjo eshte kriza me e madhe e emigranteve e qe kerkon rritje te te solidaritetit, veçanërisht per sirianet. Ai beri apel qe vendet te pranojnë 500 mije siriane ne tre vitet e ardhshme, si dhe t’u ofrojnë mundësi punësimi dhe studimi.