Fleckenstein: “Shqipëria ka bërë progres, BE të hapë negociatat”

Eurodeputeti Knut Fleckenstein i ka bërë thirrje Bashkimit Europian të hapë negociatat për anëtarësim e Shqipërisë.

Pas përfundimit të vizitës në Tiranë, eurodeputeti shkruan në facebook, se përfundimi është i qartë: Tani duhet të merret vendimi për çeljen e negociatave. “Është bërë progres, megjithëse ka mbetur shumë punë për të bërë. Asnjë dyshim!”, shkruan Fleckenstein.

Përfaqësuesi i Parlamentit Europian, gjatë vizitës në Tiranë u takua me zyrtarët më të lartë të politikës, nga mazhoranca dhe opozita.