Në ndryshim nga shumë kolegë të saj, Flaka Krelani ka zgjedhur të mos investojë shumë në klipe dhe këngë të njëpasnjëshme, por të mbajë një profil më të tërhequr dhe të përqendrohet kryesisht në jetën e natës. Këngëtarja e famshme nga Kosova, një ndër zërat më të mirë të shkollës së ‘’Etheve të së premtes mbrëma’’, e ftuar ditën e djeshme në emission ‘’Privé’’ ka rrëfyer një moment të vështirë të jetës së saj, një aksident që mund t’i kishte marrë jetën.”Gjithmonë kam paturdëshirë të hidhem me stil dallëndyshe. E kontrollova terrenin. Dola prej ujit dhe thashë që gjithçka është në rregull, mund të zhytem në ujë. Në momentin e parë që jam zhytur dallëndyshe, rashë me kokë në gurin më të madh të cilin nuk e kisha parë. 3 sekonda që ka zgjatur, ajo pesha shumë e shpejt, si kam rënë me kokë, me atë shtypje kam prekur kokën, hundën, mjekrën dhe gjoksin. Në sekond kam menduar vdiqa, shkova. Por gjatë procedurës që jam zhytur deri tek pjesa e gjoksit kam kuptuar që jam akoma gjallë. Ka qenë një moment që prekem shumë kur e kujtoj. Them si kam mundur të shpëtoj. Akoma i them Zotit faleminderit që më ka ndihmuar, kam lindur për së dyti, ka qenë aksidenti më i tmerrshëm. E kam përjetuar vdekjen me sy”, tregoi Flaka.

Leave a Reply

Your email address will not be published. Required fields are marked *