Brenda nje jave do te zbatohet armëpushimi ne Siri. Fuqitë botërore pjesëmarrëse ne bisedimet e Mynihut arritën marrëveshjen per ndalimin e luftimeve, pas situatës dramatike qe po përjetojnë civilet, veçanërisht ne Alepo. Armëpushimi nuk do te aplikohet per grupet xhihadiste si Shteti Islamik dhe fronti Al Nusra. Por pavarësisht lajmit te mire, sekretari amerikan i Shtetit u tregua i përmbajtur gjate konferencës per shtyp me homologun rus.
John Kerry:
Plani i armëpushimit ishte ambicioz, por do te shohim nëse do te zbatohen angazhimet. Ajo çka kemi janë fjale ne letër, ajo qe duhet te shohim ditët e ardhshme janë veprimet ne terren.
Sergei Lavrov:
Ka arsye te shpresojmë se kemi bere nje pune te shkëlqyer. Por nuk do te ndalen sulmet ajrore kundër grupeve te vlerësuara si terroriste. Bisedimet e paqes duhet te rinisin ne Gjeneve sa me shpejt dhe ne to duhet te marrin pjese te gjitha grupet opozitare.
Pavarësisht mbështetjes per armëpushimin, shefi i diplomacisë amerikane përsëriti akuzat se sulmet ajrore ruse po shenjestrojne ato qe perëndimi i quan grupe te moderuara te opozitës dhe jo terroristet. Pjese e marrëveshjes ishte edhe përshpejtimi dhe zgjerimi i ndihmave humanitare dhe per kete nga kjo e premte do te nise punen një task force. Lajmi qe mbërriti nga Mynihu është mirëpritur nga nje grup i rendesishem rebelesh siriane, qe paralajmëroi rikthimin ne tryezën e bisedimeve te paqes ne Gjeneve, nese do te vërehet zbatim konkret ne terren.
