Fiorentina përmbys shifrat ndaj Inter
Fiorentina rimori vendin e trete ne renditjen e përgjithshme te Serisë A teksa mundi Inter ne ndeshjen me re te rëndësishme te javës se 25-te. Ne Artemio Franki, te zotet e shtëpisë fituan me rezultatin 2-1 fale nje goli vetëm ne fund te takimit, te shënuar nga Bubakar. Ishin ne fakt zikalterit te cilët arritën te gjenin rrjetën te paret fale Brozoviç ne minutën e 26. Reagimi i vendasve ishte ne pjesën e dyte, ndërsa ne minutën e 60-te, arriti te konkretizonte ne gol rastin e krijuar te Borja Valero. 8 minuta nga fundi, gjyqtari kryesor nxori nga loja me karton te kuq Telles, duke ndryshuar rrjedhën e lojës, ne favor te Fiorentines ne një finale përsëri zhgënjyese për Roberto Mancinin. Ne minutën e 91, vendasit arritën te përmbysnin shifrat, duke shënuar me Bubakar, i sapo futur ne fushën e lojës ne vend te Ilicic. Tre pike ne fund për Fioren, ne rënie te lire Inter, një makth i vërtete per 2016 me vetëm 9 pike ne 8 takime.
Barcelona show ndaj Celta Vigo
Barcelona shpartalloi ne Kamp Nou, Celta Vigon me rezultatin e thelle 6-1 duke mbajtur e vetme kreun e renditjes pas javës se 25 te La Liga. Ndryshe nga rezultati, nje ndeshje jo shume e thjeshte për te zotet e shtëpisë, te bllokuar per gati nje ore ne shifrat e barabarta 1-1. Leo Mesi hapi serine golave ne minutën e 28, por Guideti 11 minuta me vone, ktheu gjithçka ne baraspeshe. Ne minutën e 59, Luis Suzarez kaloi përsëri ne avantazh vendasit, ndërsa ne minutën e 75 El Pistolero shënoi golin e trete. Episodi fantastik i mbrëmjes ishte minuta e 82 kur Mesi ne vend te gjuante nga pika e bardhe e penalltisë drejt portierit kundërshtar pasoi te Luis Suarez, i cili shënoi golin e katërt. Rakitic dhe Neymar ishin me pas autoret e dy golave te tjere gjeniale ne rezultatin përfundimtar 6-1. Barcelona me nje ndeshje me pak kryeson ne renditjen e përgjithshme me 57 pike i ndjekur nga Atletiko 54 dhe real 53 pike.
