Java e fundit e kampionatit Italian të futbollit për këtë sezon nisi të premten në mbrëmje me duelin Sassuolo-Fiorentina, transmetuar në platformen Tring.
Vjollcet fituan në fushën e Sassuolos me rezultatin 3 me 1 duke u ngjitur të vetëm në vendin e 8 në rënditje, i cili do të ruhej vetëm në rast se Torino sonte nuk mund Interin. Në fakt vendi I tete në rënditje mund të vleje Europen, konkretisht Conference League sidomos në rast se Juventus përjashtohet nga kupat me vendim të Uefa-s.
Pjesa e parë në “Mappei” nuk kishte shumë raste për shënim. Më e rrezikshme ishte Fiorentina me anë të një shtylle të Artur Cabral ndërsa për të zotët e shtëpisë Berardi nuk arriti dot të shenonte.
Totalisht ndryshe pjesa e dytë.
Toskanet shënuan që në start me anë të Cabral. ky I fundit ishte protagonist edhe në krahun tjetër teksa preku një top me dorë që I dhuroi një penallti sasuolos, e cila u kthye në gol barazimi nga Berardi.
Pak minuta më vonë futet në fushë Saponara për vjollcet, lojtar që rezulton deciziv pasi I jep avantazhin miqve me një gol të bukur në minutën e 79. Dy minuta më vonë Sassuolo mbetet me l0 lojtarë pas daljes me të kuq të Ruan, e nga kjo gjë përfiton në maksimum Niko Gonzales që shënon edhe golin e trete për Fiorentinën. Sassuolo e mbylli me 9 lojtarë ndeshjen pasi u ndeshkua me të kuq edhe Rogerio.
Tek të zotët e shtëpisë luajti nga minuta e 58 Nedim Bajrami pa lënë dot shënje ndërsa Fiorentina shkon në finalen e Conference League kundër Uest Ham të mërkurën e 7 qershorit, me moral të lartë dhe në formë.
