Lufta në Ukrainë dhe frika për një përshkallëzim të mundshëm të sulmeve në vendet e tjera baltike ka shtyrë Finlandën të kërkojë anëtarësim sa më të shpejtë në NATO.
Presidenti i Finlandës, Sauli Niinisto, dhe kryeministrja, Sanna Marin, përmes një deklarate të përbashkët kanë nënvizuar se bashkimi në aleancën veri-atlantike duhet të realizohet “pa vonesa” në ditët në vijim.
SAULI NIINISTO-PRESIDENTI I FINLANDËS
SANNA MARIN- KRYEMINISTRJA E FINLANDËS
“Anëtarësimi në NATO do të forconte sigurinë e Finlandës. Si një anëtare e NATO-s, vendi ynë do të forconte të gjithë aleancën e mbrojtjes. Ne duhet të aplikojmë për anëtarësim në NATO pa vonesë. Shpresojmë që hapat kombëtarë, që duhen ende për të marrë këtë vendim do të ndërmerren me shpejtësi në ditët në vijim”
Suedia po ashtu pritet të bëjë të ditur synimin e saj për t’iu bashkuar NATO-s.
Rusia ka paralajmëruar masa të paspecifikuara nëse dy shtetet braktisin politikën e tyre të neutralitetit ushtarak.
Kremlini, sipas zyrtarëve perëndimorë, mbetet kërcënimi më i madh i stabilitetit global. Presidentja e komisionit evropian, Ursula Von Der Leyen deklaroi se marrëdhëniet e ngushta mes Rusisë dhe Kinës mbeten shqetësuese.
URSULA VON DER LEYEN
PRESIDENTE E KOMISIONIT EVROPIAN
“Rusia është sot kërcënimi më i drejtpërdrejtë për rendin botëror me një luftë barbare kundër Ukrainës. Bashkëpunimet e fundit e moskës me pekinn janë shqetësuese pasi premtojnë marrëdhënie të reja me ndikime ndërkombëtare,”
Ndërkohë në terren, forcat ruse vijojnë përpjekjet për të marrë kontrollin e plotë të qytetit port , Mariupoli ku luftimet në fabrikën e çelikut vijojnë intensivisht.
